90後銀行MT

上兩回分別講咗銀行MT同i-bank Front Office 嘅人工，今次輪到i-bank Back Office喇！ 雖然人工比Front Office 少一大截，但入場門檻同埋工時亦當然比 Front Office較低，點樣取捨就要靠你自己啦～

上回講咗各大銀行MT嘅人工，今日就講吓可以令你晉身「人生勝利組」嘅I-Bank Front Office人工啦！ #葡萄中 #好酸 #一個月等如我兩個月 #雖然Hours都可能係我Double 仲有下回講埋Back Office!

之前同大家分享過做MT嘅內幕，相信大家另一個好關心嘅問題就係究竟MT program嘅人工有幾多呢? 而家首先講吓各大銀行嘅 Management Associate / Graduate Trainee 嘅人工先啦! 下回再講銀行Front Office IBD/PB 嘅神級人工！

當努力找了不同的team heads，希望找到一個full time offer，可以在MT program完結後正式開始。但找了很久仍然無一個team head想收留我，大家都話無位，最初以為真是沒有空缺。但是…過了一星期，HR打電話給我: 「所有MT已經take 了offer，現在只剩下你還未有offer，你想點?」 「你想點…」這句話一直在腦海裡盤旋。原來不是沒有位，只是大家都當作一個借口，我起初覺得一定是自己做得非常差，所以無人想收留我。但過了一日，有一位同事同我講，佢有一次偷聽了team heads的對話，他說並不是不想你，而是不敢揀你，大家都怕得罪你現在直屬老闆，覺得好似搶人。 雖然作為一個初出茅廬的筆者來說，不太理解背後的原因及動機，但細細個睇電視的宮廷劇都學了這個世界一點都不簡單，爾虞我詐……其實這些情節每日都活生生在銀行中上演。所謂的際遇，有時就是這些無法控制的事。 其實好多人以為做MT好開心，好似有特權，可以揀去邊度工作。筆者與其他銀行的MT朋友傾，其實大家都各有不同不快及麻煩…… 其實有一些managers會因為你MT身份故意留難你，背後做好多手腳。其實會因為你MT的身份有人特登比一些很棘手的工作。無可否認，MT的人工及待遇會比其他工作好，但同事有得必有失，壓力，工時等同時都會增加。

MT在差不多完結整個MT program之前，要開始搵full time offer。為了找到一個好的offer，會用盡不同方法。好的offer即是指一條好的team (同事好似朋友一樣，好nice，team spirit好強)，又或許前景最好(front office，晉升機會大)。MT們最常用的方法就是約team head或其他老闆coffee-chat，在短短15分鐘留下一個深刻形象。而15分鐘入面如何表現自己? 有人會選擇帶自己份CV，有人會整一份summary，介紹自己這一兩年在公司的成就，有人會當作面試，諗好如何自我介紹等… 而筆者鑑於上次比另一位MT捷足先登，所以要繼續約見不同team head…但見了很多位team heads，慢慢學會理解他們的語言偽術: 當team head好chill地講一句: 「Let’s keep in touch!」 真正意思是: 「小朋友，夠啦，下次不要再搵我啦」 當team head凝重地說: 「唔好意思，很可惜我地條team無位」 真正意思是: 「我有位都唔想收你呀」 當team head面帶笑容地講: 「之後有什麼不明白的地方，記得隨時問我」 真正意思是: 「你其實咩都唔識，仲想入黎我條team，做多幾年先再搵我啦」 你會好奇為什麼筆者那麼肯定team head講的說話是反話，事緣有一次搵左team head後他講左一句: 「有什麼問題就搵我傾啦! 我地這間銀行好free style的」 過咗一個星期自己有一些career path的問題想請教他，於是發了封電郵約了一個時間。但是，他一直無覆我email，直至一星期後佢覆我: 「Sorry, I am very busy. Please find your current team head and don't bother me. 」 而結果當然係被所有team head拒諸門外了。咁下一步點算好？下回再講....

之前大台劇《不懂撒嬌的女人》中，出現咗一位MT，劇中的她機心很重，經常耍手段。大家以為只係做戲？其實同現實中的MT分別都唔係好大… 話說小編在一間銀行任職MT，一年的MT Program完結前，我地就搵Permanent Job , 要由MT自己去approach不同的Team，視乎Manager想不想收你。而一直HR都未公開公佈幾時正式開始要搵Permanent Job的時間及細節，所以我都未開始特別搵D Managers著。 有一日，一位新加坡的MT留言問我: 「聽說今日已經正式開始Permanent Job Search的Procedure，我們主管提議我們MT主動找不同的部門主管coffee-chat，傾下計，打好關係，你們香港開始未？」我好快就問一問身邊的一位MT同事 Amy: 「你知唔知道香港嘅Permanent Job Search開始未? 我聽講好像開始喇喎…」Amy就以嬌嗲的聲線、笑笑口地回答：「未開始，如果開始HR一定同我們講啦! 唔駛擔心，如果收到咩消息，我地會互相分享嘛！」我當時一直工作太忙，既然佢咁講，咁我決定等HR通知。一個星期後，HR正式公佈細節，我亦開始搵team head coffee-chat，希望盡快搵到一個permanent offer。 奇怪的事就正式開始了… 我搵咗一個我很想入嘅Team嘅Manager，我倆坐在Starbucks，我小心翼翼地拿出自己CV及這一年的Rotation Appraisal Forms，佢望咗幾眼，有點為難地跟我說: 「其實你的Profile非常好，由大學的成績，實習到現在工作表現都不俗… 但可惜…」 此刻，我心諗: 「既然講到那麼正面，究竟可惜什麼!? 」對方繼續解釋:「但可惜… 上星期有位MT Amy約了我coffee-chat 傾計，當時我對她印象不俗，講野幾好，所以已決定揀她，只可惜我太遲認識你」 我心入面已經開始有點嬲: 「上星期! 明明果個Amy同我講未開始，仲叫我唔駛擔心，什麼會互相share… 原來一切都是假…」；那位manager仍繼續鼓勵我不用怕，你profile那麼好，總會找到一個好的offer之類的說話，但那一刻，我腦海只充滿著被騙的怒氣及失望。 經一事，蔡一智，在銀行的世界，沒有永遠的真話，亦沒有永遠的大話。身為一位MT，可以在一年內明白這個世界